الاستثمار ? في العاصمة من وجهه نظري?
اولا مش هيكون سكنى لان المعروض السكنى هيفضل كتير لفترات طويله وكمان طبيعة الحياة السكنية في العاصمة هتظهر بس على امد طويل ولانها مدينة ادارية في الطراز الاول فالعمار الادارى هيظهر الاول فبالتالى الاستثمار التجاري والاداري هيكون في الاولوية الافضل مش الشراء السكنى بغرض الاستثمار
و
عشان نختار صح لازم نكون عارفين ايه اللى بينجح كل مول او مبنى عن التانى وايه اللى بيأثر فيه ?
العقار الاداري
اولا
المساحات عشان تخاطب الشركات الانترناشونال او ال Big Names لأنها بتحتاج مساحات كبيرة فبالتالى تقليص المساحات مش ميزه بالعكس توافر المساحات الاكبر هيوفر برندات وشركات عالمية اقوى وقتها المساحة الصغيرة هتبقي مميزة لان شركات صغيره هتحب تمتلك او تاجر جمب الشركات الاكبر لكن لو كل المساحات صغيره مش ميزه
ثانيا
اداره تشغيل المبنى وهي دى اهم عناصر نجاح العقار وخبرتها فى التنظيم والادارة والتشغيل فمعلومة الشركة اللى هتدير المبنى مهمه جدا في الاختيار
ثالثا
القرب من المقرات العامه او بمعنى اوضح مقرات big companies او المقرات الحكوميه
رابعا
العلامات المميزة زى اطول برج اول برج متخصص في كذا او انه بيطل على ميدان كذا المهم علامه وميزه كبيرة في موقعه
خامسا
الطرق المؤدية للعقار مهم جدا تبقي محاور رئيسية وشوراع كبيرة ومعروفه وصلة ربط بين اكثر من منطقه وسهله الوصول
سادسا
يفضل التخصص يعنى المبنى لاما كله اداري لكن التجاري يفضل ليه المولات الكبيرة او المبانى المخصصه ليه
سابعا
خلط الطبي بالادارى مش ميزه لان الطبي موقعه ديما في الاماكن الاقرب من السكان وفي حالة العيادات زى الاسنان او التجميل ممكن تبعد عن السكن بشكل مش كبير فبالتالى تخصيص الطبي وتوصيفيه بيختلف بعض الشيء عن الاداري فقط
العقار التجاري
اولا
المساحات كل ما المساحه كانت أكبر ومعروف في تصميمها ومقترح فيه نوع البراند اللى هيستخدمها كل ما كانت مفيده ودقيقه ودليل على نجاح المبنى التجاري دا عن غيره وكمان لانك لما هتخاطب الفرانشيز والبراند هتلاقيه بيبقى ليه مساحات مواصفات معينه وكبيره
ثانيا
الموقع يكون قريب جدا من الاحياء السكنية لان التجارى بيعتمد على الشارع والمارة وكمان السكان الاقرب او انه يكون ميجا مول الناس بتتحركله مخصوص لزيارته ودا في حالة تميزه بحاجه ترفيهيه كبيرة وجديده
ثالثا
إدارة تشغيل المبنى ودا طبعا عصب نجاح اى مبنى وكمان الحفاظ على النجاح طول الوقت
رابعا
تنسيق وتخصيص المساحات لمحلات وبرندات بعينها هيتم استقطابها لان دا بيحدد الشكل التجارى والمستقبلي وبالتالى التسويقي للمبنى
خامسا
رغم انها بسيطة الا انها مهمه وهى العلامات والعلم دا زى الاسم او النجم او البراند الكبير يعنى اسم المول او المبنى او رعاية اعلاميه من شركة او حتى تطوير شركة علم ومعروفه او ارتباطه بنجم او موقع فوق المميز او اى علامه بتاثر في بدايته على نجاحه ودا غايب عن معظم العاصمه لان كلهم معتمدين على السوشيال ميديا في البيع بس ولسه ماشوفناش خطط تسويق للمبانى دى
سادسا
المساحات العقار التجاري بشكل عام بيحتاج مساحات عملاقه للباركنج والاماكن الترفيهية وصالات الالعاب او السينمات والمسرح وغيرها فبالتالى مخصصات ال10الاف او 20الف متر مش هى الانسب عشان تبقي مبنى تجارى وترفيهى عملاق الناس تتحركله مخصوص
واخر الكلام الاستثمار الصح في توقيت الاختيار نفسه يعنى ممكن يكون وقت اختيارك في حد.ذاته هو الخطا مش طرق التقييم او التعريف السابقه يعنى حاليا لا احفز اختيار العقار التجارى لسه في اميد اقوى واميز لكن الاداري وفقا للكلام اللى فات ممكن يبقي دا توقيته لحين تغيير الوضع فيتغير التوقيت الانسب وبالتالى الاختيار يتغير
#Dahshory